بيننا عيش وملح .... عفوا عيش وخيآآر


بيننا عيش وملح .... عفوا عيش وخيآآر

مع قرب رمضان وانشغالنا ... قلت افرفش على الزوآآر شوي ونص ...



سن توب
السيد سن توب غني عن التعريف .. وشله
forever
من المقربآت لهذا السيد
إلا نفر وآآحد متزآآآعل هو وسن توب .. وهو أنا *_*
.........

مره من المرآآت زهره جابت لنا عصير سن توب لكل وحده في الشله ووزعت للكل وكآنت أول مره
نجيب السن توب للمدرسة
الكل أخذ إلا أنا قلت لهم مآآاحبه ...

الكل هجموا على حقي يبون ياخذونه وأنا ميتة ضحك عليهم
مدري اعتقد انه نذالة مني قمت وشربته أواني أخذته البيت
أو أنهم شربوه مدري ايش صآآر بالضبط...

تذكرت الموقف لآني شفت أخواني يشربون أخونا المحترم
سيد سن توب...

         
حلآوه توفو..



ياااي من هالحلآوه ماحبيتها إلا من حبيباتي الله يجمعني فيهم
هدى تعشق حلآوه توفو مرره
وأنا مو مره أحبها .. لكن الحين أتجنن عليها
في حصة الكيمياء و كالعادة الرباعي المرح وراء أنا وهدي ونجود وأبرار
أنا كنت مسويه مفاجأة للشلة وجابيه لهم كيس مليآآن حلآوه توفو
طـلعتها   و وريتها البنات من تحت الطآوله ..
والابلا تشرح ..
وأنا اكبر سوسه عيني وأذني وكلي مع الابلا
لكن حركآتي مع الشله ... مدري كيف رغم أن صآآحب شغلتين كذآب.. ^_^
المهم أن هدى أخذت لها كميه وسحبت وحده من اللي قدامي يا نجود يا أبرار الكيس اللي فيه التوفو

الابلا انتبهت للشوشرة اللي حصلت وقررت تسأل وحده فينا
واختارت نجود
والكيس كان مع نجود
وقالت ل نجود قومي جاوبي

 نجود ارتبكت وقامت بسرعة

كان كيس التوفو في عبها ولما قامت طـاح الكيس 
وانكبت الحلاوة على الأرض,,,

وي ياويلنا

أنا وهدى وإبرار قامت عيوننا على الابلا نجود طـالعت وارتبكت وضحكت
وحآولت تجمع الحلآوه وهي وآقفه
وطت نجود راسها وفي نفس اللحظه وطت أبرار
صقع راس نجود في راس ابرار بقوه 
وانا وهدى متنا زياده من الضحك عليهم 
 .. وبعدين ركزت نجود مع الابلا بعد الصقعه المحترمه
 عشان تغطي علينا

وطـينا كلنا راسنا نلقط الحلاوة ونحن ميتين ضحك على شكل نجود 
وإما نجود تجاوب وماسكه ضحكتها بقوه 
كويس أنها جاوبت صح
رفعنا نفسنا ولا كأن شي صاار
قعدت نجود وقعدنا نضحك على  الموقف ...
ومرت الحصة بسلآم ...

تحيه لمعلمتي الغالية نوال

على فكره محتفظة بورقه من ورقآت غلاف الحلآوه بس مآ عندي وقت أصورها ..

         

عيش وملح ..



مره جات في بال وحده منا فكره جهنمية
وهي إن كل يوم ثنتين تجيب فطور للشلة وحده عصيرات  ووحده ساندويشات ..
وسويناها ..
 ومره من المرآآت
قعدنا وكان الدور علي وعلى هدى نجيب الفطور

هدى جآبت معاها حليب شوكلآه و فرآوله
أنا احترت ايش أسوي لهم بس جبت أكثر ساندويتش أحبه
جربوه وأدعو لي
المقادير:-
خبز صامولي فرنسي..
جبنة بيضاء..
نعناع..
وزيت زيتون..
وخيار حسب الرغبة..
ألجبنه أما شرائح أو مهروسة وتنحط
 وينحط النعناع وزيت الزيتون في النهاية


كآنوا يحبوه من يدي ^_^ << يافرحة قلبي
أنا سويت نصين بعضه بخيار وبعضه بدون خيار

الأغلب حبه بخيار وصرنا نأكل<<<< بالعافية علينا
ونضحك و نسولف
وحده فينا قالت والله يابنات بيننا عيش وملح
ردت عليها الثانية لا حبيبتي بيننا عيش وخيار منتي شايفه
وضحكنا وصرنا نتريق ونقول بيننا عيش وجبنه ..
عيش وزيت زيتون 

ونضحك .........



الله يديم المحبة  ويجمعنا في جنه الفردوس

أدري أني ما اعرف احكي بشكل حلو زي نجود ...
بس أن شاء الله أدخلت ولو جزئ بسيط من الفرفشه على قلوبكم..

8 التعليقات:

الذوق الرفيع يقول...

ههههههههههههه يعطيك العافية دنو
كنت بمووووت ضحك وانا اقرأ لك
لا بس تعرفي تحكي كمان
استمتعت جددددداً
بس بالله لا تطولوا علينا بالغياب ياحلوات
بس حلوة عيش وخيار ههههه عجبتني
تحياتي ^_^

غير معرف يقول...

ذكرتيني بحركاتنا ايام المدرسه
الله يجمعكم على الخير و المحبه ^^

و يوفقكن ان شاء الله ^^


dalo.oo.3atuae

هنا حيث لاشئ الا أنا يقول...

الله يديم عليك هالضحكه ... دوم يارب

والله فرحتيني ورفعتي من معنوياتي شويه

الاغلب يقولي ماتعرفين تحكين عدل هههههه

طبعا الا نجود تقولي تعرفين وفيه ثانين زي نجود

أن شاء الله غاليتي دمتي بخير

هنا حيث لاشئ الا أنا يقول...

دلووعه مدونتي

آآمين وأيآآآكن أن شاء الله

موفقه غاليتي

دمتي بالخير دائما ..

Jamila يقول...

ههههههههههههههههههههههههههه ... حلوووة عجبتني عيش وخيار ..

يالله وربي أحلى ايام ايام الثنوي .. :)

واسلوبك خطييير بصرآحـه , اسستمري ي عسل .. وننتظر منك الجميل والجميل .. !!


هههه انتي عارفة احنا الاكل كنا نجيبو للمدرسة تهرريب × تهرريب ..

المديرة كانت مانعتنا نجيب أكل من برا المدرسة :@

المشكلة من زين أكل كاكو الزفته دي ..


استمتعت بالمرور هنـــــــــــا

دمتِ بود | JAMILA

هنا حيث لاشئ الا أنا يقول...

جميلوه الله يديم الضحكة ..

اما اسلوبي قويه والله بعدين بصدق حآلي..
هههههه كنت اسويها في المتوسط مره أنا وسميتك صحبتي
اسمها جميله ...
مره جبنا صينيه بشميل المدرسه وملاعق كمان امهم ان وحده من الابلات كفشتنا واخذته
وجا وقت الفسحه
جيت انا وجميله نبغى نستاذن من المديره مالقيناها
دخلنا مطبخ المديره واخذنا الصينيه

واكلنا في الفسحه
وبعدين اكتشفت المديره ونادتنا من الحصه ..

وصرفنا انفسنا وقتها ...
بس كان شي حمااس ..

وانا اسمتمتعت بمرورك هنا ..

دمتي بالخير دائما ...

دنيا الخير ...

د.ريان يقول...

مساء العطر دنيا الخير الراقية

وبصراحة ماينشبع من الذكريات وقصصكم

مع الشلة الطيبة وعاد انتم البنات والاكل

والحلويات اصحاب منذ الصغر وروعة مقادير الخيار

والاكل يبغالي اجربها بيوم واشوف طعمها :)


دمتم بكل ود خوخة ورمضان كريم للجميع

هنا حيث لاشئ الا أنا يقول...

مساء الصباح ^_^

ايه والله ماينشبع من الذكريات ابدا ابدا

اما بالنسبه للساندويش جربها وماراح تندم
وكثر النعناع ااااه بس والله نفسي فيه الحين

جرب ولن تندم

كانوا يطليوه طلبيه مني ..

شاكره لك مرورك ريان لك الشكر
علينا وعليكم ان شاء الله

إرسال تعليق

ضع لي بصمتك ولمسآآتك الذهبيه... فلي شرف حمل احرفك...

المتابعون