كيف أحوالكم وكيف عايشين
والله افتقدنا لجوكم وجو المدونات
في كثير من الأحيان تجي للواحد ظروف ... غصب عنه بس كله خير
نرجعكم معانا للورا<<<<< مدري ليش عندي طاقه كتابيه زايدة
نرجع الى أول يوم صيام الأول من رمضان
كان صباح سعيد,, وفيه حلوتين من هذا الكون قعدوا ساعتين وربع
يهرجون في التلفون ...
تصدقون ما كان فيه سالفة بس بجد كان يوم حلو...
ما فيه شي و ما تكلمنا عنه.. حتى النملة تكلمنا عنها...
يمكن في ثالث يوم من رمضان اتصلت وحدة فينا على وحدة
وقالت الوحدة للوحدة
و أقولك جديد المدونات
مسكينة ذي الوحدة قعدت وحيدة تتنقل بين المدونات ... بس ما طالت فترة وحدتها ....
^^^^^^^
اقرءوا القصة السابقة ثم احسبوا كم وحدة ذكرت في القصة وكم مجموع الواحدات!!
^^^^^^^^
قمة الفظاوه معذرة
نرجع
ومرت الأيام تلو الأيام وصرنا يا لله يا لله نفظى نكلم بعض
جاء أول يوم من العيد ... ما كلمنا بعض @_@
وحدة فينا عيدت في مكة اليوم الثاني والثالث والرابع
والوحدة الثانية عيدت عند أهلها وأخوالها وعماتها مثل الأولى لكنها في جدة..
اليوم الرابع تماما دقت صاحبة الشاحن على الثانية اللي في مكة وقالت لها أبشرك الشاحن صلحووه
دخلت أم الشاحن
<<< تغير الاسم تشرفنا !!
ع المدونة وخبصت إلى أن قالت آآمين ..
وسوت يمكن خمس مكالمات طلب للمساعدة من أم الانترنيت<<< برضو تشرفنا!
في اليوم الخامس رجعت أم الانترنيت جدة بسلآم..
وجلست في البيت إلى أن أتت أيام الدراسة
وانشغلت بإخوانها
أم الشاحن نزلت موضوع اعتذار.. و ما قدرت تدخل المدونة بدون أم الانترنيت
^^^^^^^^^^^
مدري إيش العلآقة بين الشاحن والانترنيت إذا فيه علآقة قولو!!!
نرجع
و تقابلوا أم الشاحن وأم الانترنيت في الجامعة..
كآن ثاني لقاء بعد أيام الدراسة حق الثانوي ^_^
بعدين أقولكم اللي سويناه في الجامعة
وبعدها كمان بيومين التقينا في الجامعة
مرت الأيام تلو الأيام وأم الشاحن تتصل تقول لأم الانترنيت رجع ولدك
أقصد رجع الانترنيت عندكم !!
إلى أن أصبحت أم الانترنيت بمهنة جديد وصارت تعمل مراسله لقناه العربية
و ماهي إلا أقل من سويعات حتى اتصلت أم الانترنيت تبشر برجوع ابنها
القاطع الله يهديه ويهدي أمه وصاحبتها ...
وانتهت القصة باختصار
^^^^^^^^^^^
القصة هاذي بتخلينا نعرف مين منكم متابع جيد لنا
دنيا الخير ونجود من منهن أم الشاحن ومن منهن أم الانترنيت!!
كلله من تأثيرات خبطه المدارس والجامعات
شكلنا طولنا جدا جدا
فيه سؤال كمان كم سؤال ذكرته الكاتبة <<<<< شيلوا الكي بورد منها ما بتخلص
في حفظ الله
وفيه رسايل تانيه في الطريق صبركم علينا شويتين بس
ـدـنـًـًـًًيـًأـ اـًًـلـًـًًـخـًـًٍـيرـ
نـــٍـٍـًـًًًـجـٍٍٍـوـدـًٍٍـًـي
نـــٍـٍـًـًًًـجـٍٍٍـوـدـًٍٍـًـي